آفاق aafaq

آسان تو نہیں ہے

2008-08-29T02:43:00.001-07:00

آنا کہیں نہ جان آسان تو نہیں ہے
بس گھر میں جی لگانا آسان تو نہیں ہے

نہ دیکھنا کسی کو نہ پوچھنا کسی کا
یونہی گزرتے آنا آسان تو نہیں ہے

شہروں کے دھندلکوں میں گم ہو کے بھولنے سے
پھر گھر کو لوٹ آنا آسان تو نہیں ہے

ان رونقوں سے باہر ان محفلوں سے آگے
اک اور گھر بسانا آسان تو نہیں ہے

آسان تو نہیں ہے کہہ کر اسے بھلانا
اور دل سے بھول جانا آسان تو نہیں ہے

پھیلی ہوءی ہیں

2008-08-29T02:41:00.000-07:00

خوہشیں پھیلی ہوءی ہیں
کوششیں پھیلی ہوءی ہیں

چاروں جانب راستوں میں
منزلیں پھیلی ہوءی ہیں

جھٹپٹوں کی بستیوں میں
عورتیں پھیلی ہوءی ہیں

بےشمار آسانیوں میں
محنتیں پھیلی ہوءی ہیں

دور تک اس آسماں میں
مشکلیں پھیلی ہوءی ہیں

خشک شہلاتی ہوا میں
دھڑکنیں پھیلی ہوءی ہیں

سمٹے سے آفاق میں کیا
گردشیں پھیلی ہوءی ہیں

سوچ ہی تو سکتے ہیں

2008-08-29T02:23:00.000-07:00

پت جھڑوں بہاروں کا سوچ ہی تو سکتے ہیں
دلکشا نظاروں کا سوچ ہی تو سکتے ہیں

سوچ ہی تو سکتے ہیں دور آسمانوں کا
چاند اور ستاروں کا سوچ ہی تو سکتے ہیں

نہ فضا ہماری ہے نہ فلک ہمارا ہے
ہم فقط سہاروں کا سوچ ہی تو سکتے ہیں

نہ ہماری ہمت ہے نہ ہماری قدرت ہے
قسمتوں کے ماروں کا سوچ ہی تو سکتے

خواہشوں تمناؤں کوششوں ارادوں کا
دھوپوں اور کناروں کا سوچ ہی تو سکتے ہیں

سوچ ہی تو سکتے ہیں رہنماؤںسفروں کا
دور رہگزاروں کا سوچ ہی تو سکتے ہیں

چاءلڈ لیبر اور پاکستان

2008-06-25T08:39:00.001-07:00

مجھے ہمیشہ بہت عجیب لگا ہے کہ وہی سڑکیں وہی عمارتیں وہی چوک کسی اور سے کسی اور نکر پر کھڑے ہو کر دیکھنے سے عجیب نءے اور اجنبی سے نظر آنے لگتے ہیں۔ مانے ہوءے پلان جانچے ہوءے نقشے محض ذرا سی نءی سوچ سے فضول لگنے لگتے ہیں۔ ایک ذرا سی سوچ ایک معمولی سا زاویہ کتنا بڑا فرق پیدا کر دیتا ہے چیزوں کی مجموعی انجام پزیری میں۔

میں اکثر سوچتا ہوں کہ پاکستان کے ارباب اقتدار کسی قانون کو پاس کرنے سے پہلے ، کسی منصوبے کو شروع کرنے سے پہلے کسی کنسیپٹ یا اصول کو متعارف کروانے سے پہلے شاءد غور و خوض یا تدبر کرنا گوارا نہیں کرتے۔ محض اصول بنا دینا کافی نہیں ہوتا۔ ضرورت اس بات کی ہوتی ہے کہ اصول ایسا ہو جو لوگوں کے لءے قابل قبول ہو۔ اگر ہمیں محسوس ہو کہ لوگ اس اصول کو توڑ دیں گے اور اس پر قطعی عمل نہیں کریں گے تو ہمیں ایسا اصول متعارف کروانے سے گریز کرنا چاہءے۔ اگر ہم نے ایسا نہ کیا تو لوگوں میں صحیح اصولوں اور قوانین پر عمل کرنے کی حس بھی ختم ہو جاءے گی اور اصول توڑنا ان کے لیءے کوءی بری بات نہیں رہے گی۔

چاءلڈ لیبر کے خلاف اٹھنا ، لوگوں کو آگہی دینا کہ بچوں سے کام کروان یا بچوں کو کام پر رکھنا اچھی چیز نہیں ہے ، اور اس سے بھی بڑھ کر یہ کہ عملی طور پر لوگوں کو روکنے کے لءے قانون بنانا ، اس نقطہ نظر سے ٹھیک نظر آتا ہے کہ بچے قوم کا مستقبل ہوتے ہیں اور انہیں بہتر سے بہتر پرورش ضرورر ملنی چاہءے ، اور یہ کہ بچے معصوم ہیں ، بےبس ہیں ، بڑوں کو بچے اپنے مقاصد کے لءے استعمال نہیں کرنے چاہییں۔ اگر بات صرف اتنی ہے تو یہ بہت اچھی بات ہے۔ ہمیں معصوم بچوں کے ہاتھوں میں کاپیاں کتابیں دینا چاہءے نہ کہ اوزار اور آلات۔

لیکن بات شاءد اتنی سادہ نہیں ہے۔ ہم چاءلڈ لیبر کے قانون اس لءے بنا رہے ہیں کہ ہمیں ایسے قانون بنانے کے پیسے ملیں گے۔ لوگ سکول اس لءے کھول رہے ہیں کہ انہیں سکول کھولنے کے پیسے ملیں گے۔ ہم یہ نہیں سمجھتے کہ ایجنسیوں کی معاونت پر چلنے والے ان سکولوں میں ہم کیا پڑھا رہے ہیں۔ کیا ہم کسی اور ملک لءے لیبر تو تیار نہیں کر رہے۔ کیا ہم دوسرے تمام سکولوں کی طرح ایسے ذہن تو پیدا نہیں کر رہے جو یا تو بیرون ملک جانا پسند کرتے ہیں یا اپنے ہی ملک کو بیرون ملک میں بدلنے کی خواہش میں کڑھتے رہتے ہیں۔ ان کے ملک میں رہنے کا بھی نقصان ہے اور باہر جانے کا بھی۔ ملک میں رہتے ہیں تو بے چین رہتے ہیں اور باہر جاتے ہیں تو ملک کو ایک اچھے اور پڑھے لکھے دماغ سے محروم کر کے دوسرے ملک کو فاءدہ پہنچاتے ہیں۔ ظاہر ہے کیمبرج ، ہارورڈ اور آکسفورڈ سے ایفیلی ایٹڈ سکولوں سے پیدا ہونے والا دماغ پاکستان میں رہنے پر تیار نہیں ہو گا۔

ہم نے سکولوں میں مار نہیں پیار کے اشتہار لگا دیے ہیں۔ بظاہر یہ ایک اچھی چیز ہے۔ لیکن کیا ہم اس دور کے لءے تیار ہیں جب ان سکولوں سے پڑھنے والے معاشرے کا حصہ بننے کے لءے عملی زندگی میں داخل ہوں گے۔ کیا ہمارے معاشرے کا تانا بانا ایسے دماغوں کے لءے تیار ہے جنہوں نے کبھی بے عزتی برداشت نہ کی ہو ، جنہوں نے کبھی مار نہ کھاءی ہو۔

آج ہم چاءلڈ لیبر کے قوانین متعارف کروا رہے ہیں۔ کیا ہم اس بات پر غور بھی کرنے کے لءے تیار ہیں کہ جن بچوں کو ہم پہلے پڑھا چکے ہیں انہیں اپنی پڑھاءی سے کتنے فواءد حاصل ہوءے ہیں۔ کیا ہم نے انہیں ایسا معاشرہ دینے کی کوشش کی جہاں وہ باعزت روزگار حاصل کر سکیں ، جہاں جاہل مالک انہیں استعمال نہ کر سکے۔ کیا ہم نے پڑھے لکھے لوگوں کی تعداد کے موافق مواقع پیدا کءے۔ چاءلڈ لیبر سے منع کیسے کیا جا سکتے ہے جہاں ایک قلفیاں بیچنے والے کی دیہاڑی ایک ایم اے پاس ٹیچر سے زیادہ ہو۔ جہاں مزدور کی دیہاڑی ایک آفس کلرک سے زیادہ ہو۔ جو لوگ سولہ سولہ سال پڑھ کر اس معاشرے میں کمانے کے لءے نکلے ہم نے ان کو کتنی عزت دے دی جو ان بچوں کو ورکشاپوں اور فیکٹریوں سے اٹھانے کی کوشش کر رہے ہیں جو ہو سکتا ہے اپنے والدین کا اکلوتا سہارا ہوں اور جو ہو سکتا ہے اپنے خاندان کے واحد کفیل ہوں ، اور جو ہو سکتا ہے اپنے سے پہلے بچوں کی طرح ورکشاپ پر کام کرتے کرتے ایک دن اپنی ورکشاپ یا کاروں کے شوروم کے مالک بن جاءیں اور کءی ایک ایم اے پاس لوگوں کو اپنے ہاں ملازم رکھ لیں۔ ہمارے معاشرے میں ایسی ہزاروں مثالیں ہیں کہ ایک آدمی اعلیٰ تعلیم کے باوجود اپنی گزر بسر جتنا بھی نہیں کما رہا اور دوسرا انپڑھ ہونے کے باوجود فیکٹریوں اور ورکشاپوں کا مالک ہے۔ میرے خیال میں اس وقت سب سے زیادہ پسنے والا طبقہ پڑھا لکھا طبقہ ہے۔ جو آدمی اپنا کام کر رہا ہے چاہے وہ کتنا بھی معمولی ہے مہنگاءی کے ساتھ مہنگاءی کر لیتا ہے ، بلکہ یوں کہنا چاہءے کہ اگلے دنوں میں ہونے والی مہنگاءی بھی کر لیتا ہے۔ آج پٹرول بڑھتا ہے اور اگلے دن بسوں کے کراءے دو دو روپے بڑھ جاتے ہیں ، سیگریٹ ایک روپیہ بڑھ جاتی ہے اور روٹی پہلے سے اور چھوٹی ہو جاتی ہے۔ اور نہیں بڑھتی تو تنخواہ دار کی تنخواہ نہیں بڑھتی۔ کب ہڑتال کی دھمکی دیں گے ، کب باس غور کرے گا اور کب تنخواہ بڑھے گی۔ حکومت ایک سال بعد بڑھاءے اور مہنگاءی ہر روز ہو گی۔

میرے والدین مجھے اس لءے سولہ سال پڑھاتے رہے کہ میں ایک باعزت روزگار حاصل کروں گا۔ لیکن جب میں پڑھ کر معاشرے میں نوکری کے لیءے آیا تو پتہ چلا کہ نوکری نہیں ہے۔ ایسی نوکریاں ہیں جہاں مجھ سے کم پڑھے لکھے اچھا کام کر رہے ہیں ، جہاں باس انپڑھ ہے اور کولیگ جاہل۔ دوسرے طرف چاءلڈ لیبر کا شکار میرے ہم جماعت نہ صرف پچیس سال پہلے اتنا کمانے لگے جتنا میں اب کماتا ہوں بلکہ اس وقت اپنی اپنی ورکشاپوں اور کمپنیوں کے مالک ہیں۔ مجھے جب بھی کسی الیکٹریشن ، پلمبر ، مستری وغیرہ کی ضرورت پڑی انہوں نے مجھے یہی کہا کہ مجھے ان کے کام کا بالکل علم نہیں ہے اور یہ کہ مجھے جیسا وہ کہتے ہیں ویسا ہی کرتے جانا چاہءے۔ اگر میں نے ایک دو بار انہیں سمجھانے کی کوشش کی تو انہوں نے آپس میں ایک دوسرے کو یہی کہا کہ پڑھ لکھ کر آدمی کا دماغ خراب ہو جاتا ہے اور یہ کہ پڑھا لکھا آدمی وہمی اور شکی ہوتا ہے۔ مجھے ان کے اپنے انپڑھ ہونے پر اعتماد سے ہمیشہ یہی لگا کہ وہ سچ کہہ رہے ہیں۔

مجھے اس سارے معاملے میں ایسا محسوس ہو رہا ہے کہ ہم نے لوگوں کو پڑھنے پر تو لگا دیا لیکن ایسا معاشرے نہ دے سکے جو ان لوگوں کو مواقع مہیا کرتا۔ یا تو پڑھے لکھے لوگ باہر چلے گءے ، یا پاکستان کو برا بھلا کہتے رہے ، یا جاہل لوگوں کے ماتحت کام کرتے رہے یا کرپٹ ہو گءے۔ پڑھے لکھے لوگ اس ملک اور معاشرے کے کسی طرح کام نہ آ سکے۔

آج ہم ان چاءلڈ لیبر میں پڑے بچوں کو کتابیں دینا چاہتے ہیں تو صرف ایجنسیوں سے پیسے لینے کے لءے نہ ہو ، ہم یہ بھی سوچیں کہ آگے چل کر جب یہ لوگ معاشرے کا حصہ بنیں گے تو ہمارے پاس انہیں دینے کے لءے کیا ہے۔ کہیں ایسا تو نہیں کہ ہم ان کا حال بھی چھین رہے ہوں اور مستقبل بھی۔ بطور ایک استاد میں ایک عرصے سے یہ کہنا چھوڑ چکا ہوں کہ بیٹے اگر پڑھو گے تو باعزت نوکری مل جاءے گی ، اپنا کام اچھا کرو گے ، معاشرے میں عزت ہوگی وغیرہ وغیرہ۔ مجھے ہمیشہ یہی لگتا ہے کہ میں جھوٹ بول رہا ہوں اور یہ کہ بچہ بھی جانتا ہے کہ میں جھوٹ بول رہا ہوں۔

پاکستانی سیاستدانوں کی عوام دوستی

2008-06-25T08:19:00.000-07:00

میں جب بھی پاکستان کے مساءل پر سوچتا ہوں اور کسی نتیجے پر پہنچنے کے لءے اپنے آپ سے یہ سوال کرتا ہوں کہ پاکستان کا سب سے پہلا اور سب سے بڑا مسءلہ کیا ہے تو مجھے ایک ہی جواب آتا ہے ۔۔۔۔۔ تفاوت۔ آزادی کے وقت سے چلا آ رہا یہ مسءلہ سنگین سے سنگین تر شکل آختیار کرتا جا رہا ہے۔ پانچ مختلف زبانوں اور ثقافتوں سے تعلق رکھنے والے صوبے کءی ایک اعتبار سے ایک دوسرے سے دور تھے۔ ضرورت اس بات کی تھی کہ انہیں یعنی ان کے رہنے والوں کو ایک دوسرے کے قریب لایا جاءے۔ لیکن ایسا نہ کیا ، نہ ہو سکا۔ وقت کے ساتھ ساتھ زبانوں اور ثقافتوں کی تفاوت بے شمار چھوٹی بڑی تفاوتوں میں آگے بڑھتی رہی اور آج ہم ایک ایسے مقام پر آ گءے ہیں جہاں کوءی کسی کو نہیں جانتا۔ اندرونی طور پر جاننا تو درکنار ہم بیرونی طور پر بھی ایک دوسرے کو پہچاننے کی صلاحیت کھو چکے ہیں۔ باپ کو بچے ، بچوں کو باپ ، عورت کو مرد ، مرد کو عورت ، مالک کو ملازم ، ملازم کو مالک ، استاد کو شاگرد ، شاگرد کو استاد ، غرض جس تعلق اور رشتے کو بھی دیکھیں ہمیں یہی محسوس ہو گا کہ کوءی کسی کو نہیں پہچانتا۔ اختلافات ہیں کہ بڑھتے ہی چلے جاتے ہیں۔ تفاوتیں ہیں کہ جنم لیتی ہی چلی جا رہی ہیں۔ مذہبی مبلغوں نے ایسی تبلیغ کی کہ لوگ ایک دوسرے کو سننے اور سمجھنے کے لءے تیار نظر نہیں آتے۔ ہر آدمی دوسرے کو شک کی نظر سے دیکھتا ہے۔ ہر کوءی دوسرے کو غلط سمجھتا ہے ، اور ہر آدمی کا خیال کہ دوسرا اس کو لوٹنے ، بیوقوف بنانے یا گمراہ کرنے کی تاک میں ہے۔ ایک علاقے کا آدمی دوسرے علاقے میں جانے سے ڈرتا ہے ، ایک شہر کا آدمی دوسرے شہر میں جانے سے گھبراتا ہے ، اور ایک صوبے کا آدمی دوسرے صوبے میں جانے سے خوف کھاتا ہے۔ دوست دوستوں کی تاک میں ہیں اور ہمساءے ہمسایوں سے چوکنے ہیں۔ سکیورٹی گارڈ مالکوں کو گولی سے اڑا رہے ہیں اور باپ بچوں کو ذبح کرنے کے درپءے پیں۔ طلاقوں ، عاق ناموں ، لا تعلقیوں وغیرہ کے اعلانات کا کالم پہلے سے دوگنا ہوتا جا رہا ہے۔ ماں باپ نالاں ہیں کہ اولاد نافرمان ہے ، اولاد روتی ہے کہ مان باپ ان سے لاتعلق اور اپنی زندگی میں مگن ہیں۔ بیوی کو شکاءت ہے کہ شوہر بے راہرو ہیں ، شوہروں کو اذیت ہے کہ بیویاں بد کردار ہیں۔ بہنیں کہتی ہیں کہ بھاءی بے غیرت ہیں ، بھاءی کہتے ہیں کہ بہنوں کو شرم و حیا نہیں۔ استاد کہتے ہیں کہ شاگرد بد تمیز ہیں ، شاگرد کہتے ہیں کہ استاد نالاءق ، ظالم اور خود غرض ہے۔ امام کہتے ہیں کہ نمازی بے عمل ہیں ، نمازی کہتے ہیں کہ امام صاحب جھوٹے اور دنیا دار انسان ہیں۔ ملازم مالک کو حرام خور سمجھتا ہے اور مالک ملازم کو بے ایمان اور کام چور۔ کوءی رشتہ ایسا نہیں رہا جس پر اعتبار کیا جا سکے ، یا جس پر اعتبار باقی رہ گیا ہو۔ آءے دن کوءی نہ کوءی کسی نہ کسی کو شک و شبہے میں یا رنگے ہاتھوں پکڑ کا مارتا اور قتل کرتا مل رہا ہے۔ کوءی شعبے ایسا نہیں رہا جس میں کسی کو کسی کا اعتبار ہو۔ ہر کوءی اسی کشمکش میں ہے کہ اگر وہ دھوکا نہیں دے گا ، الو نہیں بناءے گا ، وعدہ خلافی نہیں کرے گا ، تو دوسرا ایسا ضرور کرے گا۔ ہر کوءی یہی سمجھتا ہے کہ دھوکا کھانے سے پہلے دھوکا دے دینا بہتر ہے۔ کیا ساءل اور کیا افسر ، کیا گاہک اور کیا دکاندار ، سب ایک ہی اذیت کا شکار ہیں ۔۔۔۔۔۔۔۔ بے اعتباری۔ ہر کوءی دوسرے کو پہلی ملاقات میں ہی ختم کر دینے کا تہیہ کءے ہوءے نظر آتا ہے۔

یہ سب پہلے بھی تھا ، لیکن اتنا نہیں تھا۔ سو میں سے ایک آدھ انسان ایسا نظر آتا تھا ، اور وہ بھی دوسروں کو دیکھ کر یا تو ٹھیک ہو جاتا تھا ، یا اپنی بے اعتباری اور بد حواسی کو اپنے تک محدود رکھتا تھا۔ اب تو حد ہی ہو گءی ہے۔ اور حد کا سوچ کر لگتا ہے شاءد حد نہ ہوءی ہو اور اس سے بھی بدتر صورت حال دیکھنے کے لءے زندہ رہنا پڑے۔ تمام مساءل کا حل حکمرانوں سے ہی متوقع تھا ، اور اب تو حکمران بھی عوام کو اپنا دشمن اور عوام حکمرانوں کو اپنے بدخواہ سمجھنے لگے ہیں۔ اب یہ سب کچھ کس طرح ٹھیک ہو گا کوءی کچھ نہیں کہ سکتا۔ حکمران عوام سے لاتعلق اور بے خبر تو پہلے بھی رہتے ہوں گے ، لیکن شاءد اتنے اور اس طرح نہیں رہتے تھے۔ اب تو ایسا معلوم ہوتا ہے جیسے حکمران عوام کا سب سے بڑا دشمن ہو۔ عوام کو سہولتیں دینا تو درکنار وہ تو ان کا حوصلہ بھی چھیننے کے درپءے ہے۔ ایسا لگتا ہے جیسے حکمران محض عوام کو نچوڑنے اور ان کی کھال نوچنے کا پروگرام بناتے ہیں اور بس۔ کس جگہ ٹیکس لگایا جاءے ، کس جگہ پھسایا جاءے ، کیسے مارا جاءے ، کیسے بھگایا جاءے ، ایسا لگتا ہے حکمران کسی نہ کسی نءے منصوبے اور مشورے کا انتظار کرتے ہیں اور بس۔ بجلی ، پانی اور گیس کے تیز رفتار میٹر جو سو روپے کا بل دو سو روپے میں بھیجیں۔ ہر چوک اور سڑک پر تربیت یافتہ چالان کنندہ۔ لاکھوں کے عوض گورنمنٹ کی پوسٹوں پر تقرریاں ، اور پتہ نہیں کیا کچھ۔

اگر ہمارے حکمران عوام سے دور نہیں ، اگر انہیں عوام کے مساءل کا علم ہے تو پچھلے دنوں شاءع ہونے والے گریڈ ایک سے سولہ تک کے ملازمین کے لءے متعارف ہونے والی ہاءسنگ سکیم سے یہی نظر آتا ہے کہ عوام کو نچوڑنے ، نوچنے کچلنے کا یہ منصوبہ بڑی خوشدلی سے قبول کیا گیا ہو گا۔

پاکستان ہاوسنگ اتھارٹی کی طرف سے شاءع ہونے والے اس اشتہار کے بنیادی نکات یہ ہیں کہ ہر درخواست دہندہ اپنی درخواست کے ساتھ 50 ہزار روپے جمع کرواءے گا ، اور یہ کہ الاٹمنٹ کے وقت کل رقم کا 15 فیصد جو کہ تقریباً 2 لاکھ روپے بنتے ہیں ، جمع کراءے گا ، اور یہ کہ 130450 روپے کی ماہانہ قسط کی صورت میں بقیہ رقم جو کہ 1565000 کے لگ بھگ ہے بارہ مہینوں میں ادا کرے گا۔ مجھے صرف یہ سمجھ نہیں آ رہا کہ وزیر اعظم کی ہاءوسنگ سکیم کا مشورہ دینے والے صاحب نے یہ کیسے گمان کر لیا کہ ان کے ملک کا گریڈ ایک سے گیارہ کا ملازم مندرجہ بالا فیسیں اور اقساط جمع کرانے کا متحمل ہو سکتا ہے۔ شاءد حکمرانوں کو یقین ہے کہ ان کا ہر ملازم رشوت خور اور جھوٹا ہے ، وہ اتنا غریب ہے نہیں جتنا نظر آتا ہے۔ شاءد حکمرانوں کو روپےکی قیمت کا اندازہ ہی نہ ہو اور انہیں علم ہی نہ ہو کہ ایک سو بلکہ ایک ہزار روپے کی قیمت ایک روپے جتنی ہو چکی ہے۔

کوءی جو مرضی کہہ لے مجھے صرف یہی محسوس ہوتا ہے کہ حکمران عوام سے بے خبر ہیں اور انہیں عوام کے مساءل کا حل تو کیا ان کے مساءل کا بھی کوءی علم نہیں۔

آئن سٹائن دہریہ نہیں تھا

2008-06-09T09:53:00.001-07:00

انسانی دماغ مختلف فوبیاز ، مینیاز ، کمپلکیسز ، ابسیشنز وغیرہ کا مرکب ہے۔ بعض ماہرین کے مطابق ان فوبیاز مینیاز وغیرہ کی تعداد سینکڑوں کے لحاظ سے ہے۔ خواب اور وہمے ان سے علحیدہ ہیں۔ چھٹی حس اور کامن سینس ایک اور پہلو ہے۔ ویژن اور ہیلوسینیشن ایک اور رنگ ہے۔ کئی ایک احساسات ، کئی ایک جذبات بے شمار قوتوں اور ان گنت خیالات پر مشتمل انسانی دماغ ایک ایسی نشوونما پر پیدا ہوا ہے جو دائیں بھی ہو سکتی ہے اور بائیں بھی، آگے بھی ہو سکتی ہے اور پیچھے بھی ، اوپر بھی اور نیچے بھی اورایک ہی جگہ ساکت و جامد رہ کر بھی ہوسکتی ہے۔ اگر اس دماغ کی لذتوں کو شمار کریں تو کوئی انتہا نہیں ملتی اور اگر اسکے رنج و الم کو گنیں تو کوئی سراغ ہاتھ نہیں آتا۔ عقل تو انسانی دماغ کا ایک مختصر سا حصہ ہے ، لیکن اس مختصر سے حصے کے استعمال سے پیدا ہونے والی دنیا دیکھیں کیسی کیسی ایجادات سے مزین ہو چکی ہے۔

جس طرح انسان کائنات کو مسخر کرتا آ رہا ہے اسی طرح عقل اپنے سےکئی کئی گنا بڑے دوسرے دماغی حصوں کو مسخر کرتی آرہی ہے۔ باہر اور اندر دونوں کی تسخیر بہر حال رنج اولم سے خوف کا نتیجہ ہی ہے۔ تکلیفوں سے گریز کرنے کی بجاءے انہیں بھگتنے اور ان سے گزرنے میں کاءنات کی کیسی تسخیر سامنے آتی شاءد ہم اس بات کا تصور کرنے کے لءے بھی تیار نہیں ہیں۔ عقل بہر حال وہ دماغی خصوصیت ہے جس نے توہم ، جو ایک اور بہت بڑی دماغی خصوصیت تھی ، کو کافی حد تک مسخر کر لیا ہے۔ یہ بات بڑی عجیب ہے کہ توہم سے حاصل ہونے والے نتائج و فوائد بھی اتنے ہی زیادہ تھے جتنے کہ عقل سے حاصل ہونے والے نتائج و فوائد ۔ بلکہ یوں کہنا چاہیے کہ توہم سے حاصل ہونے والے نتائج و فوائد وقت اور فاصلے کی حدوں پر زیادہ غالب تھے۔ بات شاید اتنی ہے کہ عقل اور توہم کو ساتھ ساتھ چلنا چاہیے تھا۔ انسان کے اندر جتنی نشوونما عقل نے حاصل کی توہم بھی اتنی ہی نشوونما حاصل کرتا اور یہ کہ نہ تو توہم عقل کو ختم کرتا اور نہ عقل توہم کو مسخر کرتی۔ عقل اور توہم کے عدم تناسب سے ایک وقت تھا جب بت پرستی نے جنم لیا اور دوسرا وقت یہ ہے جب دہریت پیدا ہوئی۔ پہلے وقت میں توہم زیادہ تھا اور دوسرے میں عقل زیادہ۔

انسانی علم ایک تو انسان کے اپنے تجربات پر مشتمل ہوتا ہے اور دوسرا کسی دوسرے انسان کے تجربات پر۔ علم کی فطرت یہ ہے کہ یہ کسی نہ کسی تجربے پر منحصر ہوتا ہے اورعمل کی فطرت یہ ہے کہ وہ کسی نہ کسی علم پر مبنی ہوتا ہے۔ بعض لوگ اپنے تجربے سے حاصل ہونے والے علم کو تو مان سکتے ہیں لیکن کسی دوسرے کے تجربے سے حاصل ہونے والے علم کو نہیں مان سکتے۔ ان کی منزل دہریت ہے اور ایسی دہریت خدا سے ایک قدم کے فاصلے پر ہے۔ آءن سٹاءن ایک ایسا دہریہ تھا جو یہ قدم اٹھا چکا تھا۔

دراصل انسان کے اندر کی دنیا بھی اتنی ہی وسیع ،رنگا رنگ اور پیچیدہ ہے جتنی کہ باہر کی ۔ صوفی اور سانس دان میں صرف اتنا فرق ہے کہ صوفی انسان کے اندر کی دنیا دریافت کرنے اور مسخر کرنے میں لگا رہتا ہے جبکہ سائنس دان انسان کے باہر کی دنیا کو دریافت کرنے اور مسخر کرنے میں لگا رہتا ہے۔ ہر بڑا صوفی کسی نہ کسی وقت بالائے مذہب ہو کر سوچنے پر مجبور ضرور ہوتا ہے۔ اسی طرح ہر بڑا سائنسدان بالائے مذہب ہو کر ضرور سوچتا ہے۔ روایتی مذہب کو نہ صوفی قبول کرتا ہے اور نہ سائنسدان ۔ اصل میں غور سے دیکھا جائے تو صوفی اور سائنسدان مذہب کی جس شکل کو مانتے ہیں وہ اس مذہب کی اولین شکل ہوتی ہے۔ وقت کے ساتھ ساتھ روایتوں ، درائتوں ، تاویلوں ، تفسیروں وغیرہ کے مذہب کا حصہ بن جانے کو نہ صوفی مانتا ہے اور نہ سائنسدان۔

آئن سٹائن دہریہ نہیں تھا ۔ لیکن وہ نہ تو مذہب کی اس شکل کو مانتا تھا جو چار ہزار سال کی تشریحات پر مشتمل تھی ، اور نہ خدا کے اس تصور کا قائل تھا جو اوسط درجے کی عقل رکھنے والے لوگوں نے اپنی حدودِ علم ، حدودِ قیاس اورحدودِ قوت سے خائف ہو کر قائم کیا ہوتا ہے۔

پچھلے دنوں نیلامی کے لیے پیش ہونے والے آئن سٹائن کے ایک خط کے متن پر بحث کرتے ہوئے لوگوں نے آئن سٹائن کے مذہبی خیالات کو جس طرح لامذہبیت یا دہریت کے نام سے موسوم کیا ہے ، میرے خیال میں وہ ٹھیک نہیں ہے۔ آئن سٹائن نے اگر خدا کو انسانی بے بسی اور کم علمی کی تخلیق کہا ہے اور بائبل کے بچگانہ محسوس ہونے کا اظہار کیا ہے تو اس کا مطلب خدا کے اس تصور سے تھا جو کم عقل اور بے بس لوگوں نے قائم کیا ہوا ہے ، اور اس کا مطلب بائبل کی ان تشریحات سے تھا جو لوگوں کو خوفزدہ کر کے کچھ اعمال کروانے اور کچھ سے پرہیز کروانے کے لءے کی ہوءی ہیں۔ میرے خیال میں آئن سٹائن کا یہ کہنا کہ کائنات ایک انوکھی الویت یا روحانیت سے بھری ہوئی ہے اس کے مذہبی ہونے کی دلیل ہے۔ آئن سٹائن جس نے کبھی یہ کہا تھا کہ سائنس مذہب کے بغیر لنگڑی اور مذہب سائنس کے بغیر اندھا ہے اپنی آخری عمر میں ایک ایسے وجود کے احساس میں محصور تھا جسے وہ مذہب کا کائناتی احساس کہہ کر پکارتا تھا ۔ اس کا خیال تھا کہ خدا قوانین کا موجد ہے نہ کہ جزا اور سزا دینے والا حاکم۔ اپنی کائنات میں خدا نے کچھ اصول جاری کیے ہوئے ہیں اور وہ ان اصولوں میں تبدیلی نہیں کرتا ۔ آئن سٹائن کو اس بات کا شدید احساس تھا کہ کائنات قدرت اور فطرت میں ایک ایسی عقل کارفرما ہے جو انتہائی اعلٰی سطحی یا ناقابل تحییط محسوس ہوتی ہے۔

اس بات کو نظر انداز کر کے کہ آئن سٹائن نے روایتی یا مروجہ یہودیت سے انکار کیا ہے اگر ہم کائنات کے بارے میں اس کے خیالات، احساسات یا تجربات کا جائزہ لیں تو ہمیں محسوس ہوتا ہے کہ وہ کسی نہ کسی قوت کا قائل ضرور تھا۔ ہم کہہ سکتے ہیں کہ آئن سٹائن نے خدا کو بقدر روح محسوس کرنے کی بجاءے ، بقدر عقل محسوس کیا ہے۔ اگر انسان روح، عقل اور جسم کا مرکب ہے تو آئن سٹائن نے خدا کو عقل کے راستے میں پایا ہے نہ کہ روح کے۔ یہ اور بات ہے کہ صوفی خدا کو روح کے راستے میں پانے کے قائل ہیں۔

حصہ چہارم

2008-06-09T09:51:00.000-07:00

ایجادات	کب ہوئیں	کہاں ہوئیں	کیا اثرات چھوڑے
مونگ پھلی کی کاشت	9سو 50 سال قبل مسیح	جنوبی امریکہ
گھوڑوں کا جنگی استعمال	9 سو سال قبل مسیح	میسوپوٹامیا
نقلی دانت	7 سو 50 سال قبل مسیح	اٹروریا (آج کا اٹلی)
دھاتی کفل اور چابیاں	7 سو 50 سال قبل مسیح	روم
لوہے کی قینچیاں اور آریاں	7 سو 50 سال قبل مسیح	یورپ
جنگی بھڑیں	7 سو سال قبل مسیح	فنیشیاء ، مصر
موسیقی کی لکھائی	7 سو سال قبل مسیح	بھارت
آبیاشی کا نظام	7 سو سال قبل مسیح	میسو پوٹامیا ، مشرقی وسطی
ارشمید س کا پیچ	7 سو سال قبل مسیح	میسوپوٹامیا
سہ رخی تصاویر	6 سو 50 سال قبل مسیح	یونان
پن چکی	6 سو 50 سال قبل مسیح	فارس
ٹیکسائل	6 سو 40 سال قبل مسیح	لیڈیا (آج کا ترکی)
چوگان ( پولو)	6 سو سال قبل مسیح	فارس
لائیٹ ہاؤس	6 سو سال قبل مسیح	بحیرہ روم
لنگر کا استعمال	5 سو 92 سال قبل مسیح	یونان
پیچ	5 سو 50 سال قبل مسیح	یونان
پانی کی سرنگیں	5 سو 50 سال قبل مسیح	یونان
شاہراہیں	5 سو سال قبل مسیح	فارس
پاسپورٹ (پروانہ راہداری)	5 سو سال قبل مسیح	فارس
جمہوریت	4 سو 78 سال قبل مسیح	ایتھنز (یونان)
تیر اندازوں کا جنگی استعمال	4 سو 40 سال قبل مسیح	یونان
منجنیق	4 سو سال قبل مسیح	کارتھیج (یونان)
آئینہ	4 سو سال قبل مسیح	فنیشیاء
آئس کریم	4 سو سال قبل مسیح	فارس
عجائب گھر	3 سو 23 سال قبل مسیح	مصر
کرونالوجی	3 سو 12 سال قبل مسیح	فارس
بھاپ کا استعمال	300 سال قبل مسیح	مصر
لیور	250 سال قبل مسیح	یونان
پسٹن	2 سو 50 سال قبل مسیح	مصر
گھوڑوں کا سامان (کاٹھیں ، لگام، رکاب وغیرہ)	2 سو سال قبل مسیح	چین
کتاب	180 سال قبل مسیح	یونان
پیچ سے دبنے والی پریس	150 سال قبل مسیح	روم
مرکزی درجہ حرارت	150 سال قبل مسیح	روم
شیشے کی صعنت	1 سو سال قبل مسیح	شام
عوامی حمام	1 سو سال قبل مسیح	روم
قرطاس	1 سو سال قبل مسیح	پرگامم (آج کا ترکی)
قبضوں والے چکو	1سو سال قبل مسیح	چین
گھڑی کے اصول پر جاری مشنیری	82 سال قبل مسیح	یونان
کھڑکیوں کے پھٹ	6سو سال قبل مسیح	روم
بھاپ کا غسل	6 سو سال قبل مسیح	یورپ
کلینڈر	45 سال قبل مسیح	روم
کوئلے کی کانیں	40 سال قبل مسیح	چین
جراثیم کُش ادویات	40 سال قبل مسیح	چین
گنبد	30 سال قبل مسیح	روم
انگوٹھےکےنشان کا استعمال	چین	30 سال قبل میسح
سڑکوں کے نقشے	روم	30 سال قبل مسیح
آلات جراحی	بھارت	30 سال قبل مسیح
مچھلیوں کی افزائش	بحیرہ روم	15 سال قبل مسیح

تہذیب و تمدن سائنسی ایجادات ۔ ۔ ۔ ۔ ۔ ۔ حصہ پنجم

ایجادات	کب ہوئیں	کہاں ہوئیں	کیا اثرات چھوڑے
سموکنگ پائپ (دخان کش)	10 عیسوی	شمالی امریکہ
ڈیڑجنٹ	10 عیسوی	چین
رہائشی بدریں	20 عیسوی	روم	پائپوں کی طرح بنی ان گھریلو بدرووں کے آگے سیسے کے منہ اور پانی وا لے نلکے لگے ہوتے تھے۔
بھاری ہل	100 عیسوی	روم
کاغذ	105 عیسوی	چین
رہائشی کواٹر	120 عیسوی	روم
چراہی	140 عیسوی	بحیرہ روم
جدید اعداد اور صفر کا استعمال	150 عیسوی	بھارت	کہا جاتا ہے کہ آریا بھاٹا کے بنائے ہوئے اس اعددی نظام کو عربی اعداد کا نام محض غلط فہمی یا غلط بیانی کی بنیاد پر دیا گیا تھا
چھپائی	150 عیسوی	چین
آئیسٹر کی کاشت	150 عیسوی	چین
آبیکس	190 عیسوی	چین	آبیکس وہ ایجاد ہے جو آنے والی صدیوں میں کیلیٹر اور کمپیوٹر کی صورت اختیار کر گئی
چینی مٹی کے برتن	190 عیسوی	چین
چڑیا گھر	248 عیسوی	روم
نقشوں پر لمبائی اور چوڑائی کی علامتیں	265 عیسوی	چین
الجبراء	275 عیسوی	یونان
گلیوں میں تیل سے جلنے والے چراغون کا استعمال	300 عیسوی	شا م
گیس سے جلنے والے چراغ	300 عیسوی	شا م
گیس والے پائپ	347 عیسوی	چین	بانس سے بنے ہوئے یہ پائپ قدرتی گیس کو استعمال کرنے کے لیے کام میں لائے جاتے تھے۔
چائے	350 عیسوی	چین	شروع شروع میں چائے دوائی کے طور پر استعمال کی جاتی تھی
ڈاکٹری اجازت نامے	361 عیسیوی	بازنطین (آج کا استنبول یا ترکی)
ایسٹولیبل	400 عیسوی	مصر
ہائیڈرومیٹر	400 عیسوی	مصر
مکھن	400 عیسوی	یورپ
وسکی	450 عیسوی	یورپ
برانڈی	500 عیسوی	چین
سسپنشن بریج	500 عیسیوی	چین	یہ ایک ایسا سسپنشن بریج تھا جس میں لوہے کی زنجیریں استعمال کی گئی تھیں۔
ریشمی ملبوسات پر چھپائی	500 عیسوی	چین
قالین	550 عیسوی	فارس
ماچس	577 عیسوی	چین	سلفر کے استعمال سے چلنے والی یہ ماچسیں ان ماچسوں کو انگلینڈ کے جان واکر نے 1826 میں دوبارہ متعارف کروایا۔
ڈاک خانہ	600 عیسوی	فارس
بھونچال سے محفوظ عمارتیں	600 عیسوی	بازنطین
سیاسی آئین	604 عیسوی	جاپان
شطرنج	621 عیسوی	بھارت
کبوتر کے ذریعے خطو خطابت	630 عیسوی	عرب
کیمیائی جنگ	673 عیسوی	بازنطین	یونانیوں نے ایک ایسی آگ بنائی جو پانی پر جلتی تھی
بھبھوکے والی بٹی	700عیسوی	یورپ
طے ہونے والے پنکھے	700 عیسوی	جاپان
تصویری چھپائی	765 عیسوی	جاپان
شفاف چینی مٹی	800 عیسوی	چین
ٹھنڈا پانی	800عیسوی	یورپ
کیمونو	800 عیسوی	جاپان
کنگھی	800 عیسوی	یورپ
عمل کشید	800عیسوی	عرب	جابر بن حیان کی اس دریافت نے آنےوالے سالوں میں بیشمار علوم وفنون کے دروا کیے۔
شیشے کی جھال والے برتن	810 عیسوی	عرب
حساب اور الجبرء	825 عیسوی	فارس	الخوارزمی کی بیشمار اضافیات نے نہ صرف الجبرے کی بالکل نئی شکل متعارف کروائی بلکہ اسےاانےوالی صدیون میں کئی دوسرے علوم کی بنیاد بنا دیا۔
چکی	823 عیسوی	یور (ہالینڈ)	اگرچہ چکی غلہ پیسنے کےلیے پہلے ادوارء میں بھی زیر استعمال تھی لیکن یہ گھومنے والی چکی اپنے وقت کی انتہائی جدید شکل و صورت والی ایجاد تھی۔
بارود	850 عیسوی	چین
چھپی ہوئی کتابیں	866 عیسوی	چین
کینڈل کلاک	870 عیسوی	انگلینڈ
عدسے	900 عیسوی	یورپ	سورج کی روشنی سے آگ جلانے والے یہ عدسے آنے والی صدیوں میں بے پناہ اثرات کے حامل ثابت ہوئے۔
چمچ کانٹے	900 عیسوی	بازنطین
لکڑی کی مدانی	900عیسوی	یورپ
چرخیاں	900 عیسوی	تھائی لینڈ
پلاسٹر	900 عیسوی	عرب	نہ صرف برتن سازی میں استعمال ہوا بلکہ ٹوٹی ہوئی ہڈیوں کو جوڑنے میں بھی کارآمد ثابت ہوا۔
مطب میں داخلے کے امتحان	931 عیسوی	فارس
گالف	935 عیسوی	چین
فاؤنٹین پن	953 عیسوی	مصر	یہ وہی فاؤنٹین پن ہے جسے یو ایس اے کے لیوس واٹر مین نے 1884 مین دوبارہ متعارف کروایا تھا۔
پہیے والی گھڑی	960 عیسوی	فرانس
ہسپتال	970 عیسوی	عرب	نرسوں ، داکٹروں اور دوا سازوں کی سہولتوں سے آراستہ یہ ہسپتال آج کے ہسپتالوں کی بنیاد ثابت ہوا۔
پارے سے چلنے والی گھڑی	960 عیسوی	چین
ایمبولینس	1000 عیسوی	مشرق وسطی	فلسطین میں گھوڑوں سے چلنے والی یہ گاڑی جسے صلیبی جنگوں مین استعمال کیا گیا آنے والے سالوں میں فرانس کے "چان لیری" سے دوبارہ دریافت ہوئی ۔
سورج گھڑی	1000 عیسوی	سپین
سونے کی تار	1000 عیسوی	سیپریس
ٹوتھ پیسٹ	1000 عیسوی	چین
گرینٹ	1000 عیسوی	بازنطین	شروع شروع مین گرینٹ کو پٹرول اور گیسلین سے بھرا جاتا تھا
چیک	1000 عیسوی	عرب
صابن کی ٹکیاں	1000 عیسوی	عرب
انگشتانہ	1000 عیسوی	بازنطین
استری	1000 عیسوی	یورپ
پیزہ (pizza)	عیسوی1000	بازنطین

تہذیب و تمدن سائنسی ایجادات ۔ ۔ ۔ ۔ ۔ ۔ حصہ ششم

ایجادات	کب ہوئیں	کہاں ہوئیں	کیا اثرات چھوڑے
آئینہ	1020 عیسوی	عرب	چمکدار چاندی اور لوہےسے بنا یا ہوا یہ ابن الہشیم کا یہ آئینہ بعد میں کئی دوسری ایجادات کی بنیاد بنا۔
شکر	1025 عیسوی	عرب
اسلحہ	1050 عیسوی	چین	شروع شروع میں بموں کو منجنیقوں اور غلیلوں کی مدد سے پھینکا جاتا تھا ۔
میکان کی گھڑیال	1092 عیسوی	چین
کاغذ کی کرنسی	1100 عیسوی	چین
سیسے کی جھال چڑھے برتن	1100 عیسوی	یورپ
سات رنگوں والی چھپائی	1100 عیسوی	عرب
ٹینک	1125 عیسوی	چین
دھوئیں کے گرینٹ	1128 عیسوی	عرب
آنسو گیس والے گرینٹ	1161 عیسوی	چین
چھپائی والے لکڑی کے تحتے	1174 عیسوی	سویزرلینڈ
راکٹ	1180 عیسوی	چین
پیرا شوٹ	1180 عیسوی	چین	یہ وہی پیراشوٹ ہے جس کو فرانس کے آندرے گارنارن نے 1797 میں دوبارہ متعارف کروایا تھا۔
کاج	1235 عیسوی	جرمنی
پر والا قلم	1250 عیسوی	یورپ
چونگی والی سڑکیں	1260 عیسوی	انگلینڈ
عینک	1275 عیسوی	اٹلی
زمینی خندقیں	1277 عیسوی	چین
چرخا	1280 عیسوی	بھارت
بندوق یا توپ	1304 عیسوی	عرب ، یورپ
مصنوعی نسل کشی	1320 عیسوی	عرب
دھات کی ٹائپ رائٹر	1396 عیسوی	کوریا
پسٹل	1400 عیسوی	یورپ
تاش کے پتے	1400 عیسوی	مصر
حیاتیاتی جنگ ریزی	1400 عیسوی	وسطی ایشیاء	تاتاریوں نے دشمن کو مغلوب کرنے کے لیے طاعون کے مریضوں کو منجنیقوں میں بھر بھر کر شہر کی دیواروں کے اندر پھینکا ۔
شیشے کی بوتلیں	1400 عیسوی	یورپ
سکریو جیک	1400 عیسوی	یورپ
کندہ کاری	1440 عیسوی	جرمنی
چھپائی کی سیاہی	1450 عیسوی	یورپ
ٹوتھ برش	1498 عیسوی	چین
گھڑی	1500 عیسوی	جرمنی
جمع اور منفی کی علامتیں	1514 عیسوی	یورپ
آگ سے چلنے والا انجن	1518 عیسوی	جرمنی
مساوی کی علامت	1557 عیسوی	یورپ
کچی پنسل	1564 عیسوی	انگلینڈ
بنائی کرنے والے مشین	1589 عیسوی	انگلینڈ
مائیکرو سکوپ	1590 عیسوی	ڈنمارک
تھرما میٹر	1592 عیسوی	اٹلی
فلش سسٹم ٹائلٹ	1597 عیسوی	انگلینڈ

تہذیب و تمدن سائنسی ایجادات ۔ ۔ ۔ ۔ ۔ ۔ حصہ ہفتم

ایجادات	کب ہوئیں	کہاں ہوئیں	کیا اثرات چھوڑے
ریلوے	1604 عیسوی	انگلینڈ
ٹیلی سکوپ	1608 عیسوی	نیدرلینڈ
اخبار	1609 عیسوی	جرمنی
آب دوز	1620 عیسوی	انگلینڈ
ضرب کی علامت	1631 عیسوی	یورپ
کوئلےسے دھکنے والا تندو	1635 عیسوی	انگلینڈ
مائیکرو میٹر	1639 عیسوی	انگلینڈ
بیرو میٹر	1643 عیسوی	اٹلی
ہوائی پمپ	1650 عیسوی	جرمنی
پینڈلم کلاک	1657 عیسوی	نیدر لینڈ
سرنج	1659 عیسوی	انگلینڈ
چیک بک	1660 عیسوی	انگلینڈ
بس سروس	1662 عیسوی	فرانس
کلکولس	1665 عیسوی	انگلینڈ ، جرمنی
شمپئن	1670 عیسوی	فرانس
گھڑی کی چھوٹی سوئیاں	1670 عیسوی	انگلینڈ
پریشر کوکر	1678 عیسوی	فرانس
فاسفورس والی ماچسیں	1680 عیسوی	انگلینڈ

تہذیب و تمدن سائنسی ایجادات ۔ ۔ ۔ ۔ ۔ ۔ حصہ ہشتم

ایجادات	کب ہوئیں	کہاں ہوئیں	کیا اثرات چھوڑے
گرم ہوا والے غبارے	1709 عیسوی	پرتگال
رائفل	1710 عیسوی	شمالی امریکہ
بھاپ والا انجن	1712 عیسوی	انگلینڈ
ٹمپریچر سکیل	1714 عیسوی	نیدر لینڈ
کپڑا بننے والی مشین	1733 عیسوی	انگلینڈ
جیگسا پزل	1750 عیسوی	انگلینڈ
لاٹننگ کنڈیکٹر	1752 عیسوی	شمالی امریکہ
سینڈوچ	1769 عیسوی	انگلینڈ
ربڑ (کچی پنسل مٹانے والا)	1770 عیسوی	یو ایس اے
سٹین بوڈ	1783 عیسوی	فرانس
میٹرک سسٹم	1795 عیسوی	فرانس
ویکسینیشن	1796 عیسوی	سکاٹ لینڈ
لیتھوگرافی	1798 عیسوی	جرمنی
گیس کوماءع بنانا	1798 عیسوی	فرانس

تہذیب و تمدن سائنسی ایجادات ۔ ۔ ۔ ۔ ۔ ۔ حصہ نہم

ایجادات	کب ہوئیں	کہاں ہوئیں	کیا اثرات چھوڑے
الیکٹریک بیٹری	1800 عیسوی	اٹلی
گیس کی روشنی کا گھریلو استعمال	1800 عیسوی	انگلینڈ
سٹیم لوکو موٹیو	1804 عیسوی	انگلینڈ
آرک لیمپ	1807 عیسوی	انگلینڈ
ٹین کے ڈبوں میں بند کھانے	1810 عیسوی	فرانس ، انگلینڈ
سپیکٹرو کوپ	1814 عیسوی	جرمنی
کاکنوں کی لیمپ	1815 عیسوی	انگلینڈ
فوٹو گرافی	1816 عیسوی	انگلینڈ ، فرانس
سٹیتھو سکوپ	1819 عیسوی	فرانس
واٹر پروف کپڑے	1823 عیسوی	سکاٹ لینڈ
برقی میقنا طیس	1823 عیسوی	انگلینڈ
مسافروں والی ریلوے	1825 عیسوی	انگلینڈ
مائیکرو فون	1827 عیسوی	انگلینڈ
سلائی مشین	1830 عیسوی	فرانس
گھاس کاٹنے والی مشین	1830 عیسوی	انگلینڈ
برقی ٹیلی گرافی	1833 عیسوی	جرمنی
ریفریجیشن	1834 عیسوی	انگلینڈ
پروپیلر	1835 عیسوی	انگلینڈ
میکینکل کلکلیٹر	1835 عیسوی	انگلینڈ
ریوالور	1835 عیسوی	یو ایس اے
ڈاک کا ٹکٹ	1840 اعیسوی	انگلینڈ
فیکس مشین	1843 عیسوی	سکاٹ لینڈ
جراثیم کش ادویات	1847 عیسوی	ہنگری